Rpm

rpm (ingelsk revolutions per minute; „amdreiangen per minüüt“) as en ingelsk miat uun a mechaanik för't amdreiangstaal. Hat sait, hüföl amdreiangen t.b. en motoor uun ian minüüt maaget.

Bestemang

Uun't schiisken het det miat 1/min (= 1 min⁻¹) mä det bestemang:

$1\text{rpm}=\frac{1}{\text{min}}=\frac{1}{60\text{s}}.$

Efter't SI-süsteem skal det ianhaid 1/s brükt wurd, det woort oober knaap maaget. Det ianhaid Hertz (Hz) skal för amdreiangen ei brükt wurd.

Det amdreiangstaal woort uun't schiisken flooksis mä U/min oder UpM ufkört, uk wan det eegentelk ei efter a norm as.