Watt (ianhaid)

At Watt as det SI-ianhaid för di efekt uun a füsiik. Hat as efter di wedenskapsmaan James Watt faan Skotlun näämd. Det ianhaid woort mä en grat „W“ ufkört.

1 W koon uk mä jo SI-grünjmiaten kg, m an s beskrewen wurd:

$\mathrm{1}\mathrm{W}\mathrm{=}\mathrm{1}\frac{kg{m}^2}{s^3}$

Hüföl as 1 W?

1 W as di efekt,

• wan dü uun 1 sekund en werk faan 1 Joule skaafest

  $\mathrm{1}\mathrm{W}\mathrm{=}\mathrm{1}\frac{J}{s}$

• uun 1 sekund auer en wai faan 1 meeter det krääft faan 1 Newton aprangst, t.b. am en toofel sakelaad uun 1 s am 1 m huuchtulaften
• bi en elektrisk späänang faan 1 Volt en elektrisken struum faan 1 Ampere luup läätst

  $\mathrm{1}\mathrm{W}\mathrm{=}\mathrm{1}\mathrm{V}\mathrm{A}$

• wan dü 1 gram weeder faan 15 °C uun 1 minüüt am 14,3 K warmer maagest

Grat an letj ianhaiden

Skriiwwiis mä föörtaal	Deesimaal
1 mW (Milliwatt)	0,001 W
1 W (Watt)	1 W
1 kW (Kilowatt)	1.000 W
1 MW (Megawatt)	1.000.000 W
1 GW (Gigawatt)	1.000.000.000 W
1 TW (Terawatt)	1.000.000.000.000 W
an so widjer