Magnetisiarang

Ferglik faan't magneetisk struummäächt $\overrightarrow{B}$ bi
- ferromagneetisk (μ_f),
- paramagneetisk (μ_p),
- diamagneetisk (μ_d) materiool
- an di leesag rüm (μ₀)

At magnetisiarang $M$ as en füsikaalisk grate, huar di magneetisk tustant faan en materiool mä beskrewen wurd koon.

Bereegnang

At magneetisiarang woort bereegent üs magneetisk moment $\overrightarrow{m}$ per woluumen $V$:

$\overrightarrow{M}=\frac{d\overrightarrow{m}}{dV}$

At mageneetisiarang beskraft det ferbinjang tesken magneetisk struummäächt $\overrightarrow{B}$ an magneetisk fialmäächt $\overrightarrow{H}$:

$\overrightarrow{B}={\mu }_0(\overrightarrow{H}+\overrightarrow{M})=\mu \overrightarrow{H}$

Diarbi as ${\mu }_0$ at magneetisk fialtaal an $\mu$ at magneetisk permeabiliteet. Uun diamagneetisk materiool as $\mu <{\mu }_0$, at magnetisiarang werket det fial uunjin; uun paramagneetisk materiool as $\mu >{\mu }_0$, at magnetisiarang an at fial werke di salew wai.

Magneetisk suszeptibiliteet

At magnetisiarang koon uk mä't magneetisk fialmäächt $\overrightarrow{H}$ an at magneetisk suszeptibiliteet ${\chi }_{\text{m}}$ beskrewen wurd:

$\overrightarrow{M}={\chi }_{\text{m}}\cdot \overrightarrow{H}$

At suszeptibiliteet hää nian miat an koon en wäärs tesken -1 an ∞ (saner aanj) haa.