Frekwens

Det frekwens (faan lat. frequentia) as en miat uun a füsiik an technik an sait ütj, hüfölsis en föörgang uun en was tidj föörkomt. Hat as di kiarwäärs faan't perioodendüür.

Ianhaid

Det ianhaid för't frekwens as en SI-ianhaid an het Hertz (Hz). Diarbi as

• 1 Hz = s⁻¹.

At jaft oober uk ööder ianhaiden, t.b.

• min⁻¹ of
• h⁻¹.

Bestemang

Det frekwens $f$ faan en stüdagen föörgang as fäästlaanj üs di kiarwäärs faan't perioodendüür $T$:

$f=\frac{1}{T}$ .

Frekwens faan waagen

Bi waagen hinget det frekwens mä't faard $c$ an det waagenlengde $\lambda$ tuup:

$f=\frac{c}{\lambda }$.

Bi elektromagneetisk waagen as

$c=\frac{c_0}{n}$ an $\lambda =\frac{{\lambda }_0}{n}$.

Diarbi as $c_0$ at faard faan't laacht uun a leesag rüm, ${\lambda }_0$ det waagenlengde diar an $n$ det breegtaal faan't meedium. Wan det meedium wakselt, feranre faard an waagenlengde jo. Man det frekwens blaft detsalew!